ඓතිහාසික කඩුදෙවොල සිද්ධ රංකඩු පත්තිනි දේවාලයේ 211 වන ඇසළ මංගල්යයේ දිය කැපීමේ චාරිත්රය පසුගිය ඉරුදින(13) පෙරවරුවේ කැළණි නදියේ දි සිදු කෙරිණි.
මෙසේ දිය කැපීමෙ චාරිත්රය උදෙසා පෙරහැර පිටත්ව යාමට පෙර විහාරයට ගොස් බුද්ධ පූජාව හා පත්තිනි , විෂ්ණු හා රිට්ටා දේවාල වලට ගමන් තේවා සිදු කරයි.
211 වන වරටත් පැවැත්වුණු ඓතිහාසික කඩුදෙවොල සිද්ධ රංකඩු පත්තිනි දේවාලස්ථානයේ ඇසළ මහා මංගල්යයේ නිමාව සනිටුහන් කරමින් දේවාලස්ථ ප්රධාන බස්නායක නිළමේතුමන් වන කුලරත්ත විජේතුංග මැතිතුමන් , කෘත්යාධිකාරි ශමාල් විජේතුංග මැතිතුමන් ඇතුළු දේවාලස්ථ පූජෝපහාර සමිතියේ නිළධාරි මඩුල්ලටත් ගම්වාසි සැමටත් මෙවර ඇසළ මංගල්යයේ සාර්ථකත්වය උදෙසා නන් අයුරින් උදවු උපකාර කලා වූ සියලු පිංවතුන් වෙත සෙත් ශාන්ති කරනු වස් පැවැත්වූ ගරායක් ශාන්තිකර්මය උදෙසා ප්රධාන දායකත්වය පහළ බෝමිරිය ඕෂධි ගාර්ඩ්න් සර්විස් ආයතනයේ අධිපති එම්.ජී.පුෂ්පකුමාර මැතිතුමන් විසින් දරනු ලැබීය.
