BEGIN:VCALENDAR
VERSION:2.0
PRODID:-//ශ්‍රී රංකඩු පත්තිනි දේවාලය - ECPv6.16.4.1//NONSGML v1.0//EN
CALSCALE:GREGORIAN
METHOD:PUBLISH
X-ORIGINAL-URL:https://rankadupaththinidevalaya.lk
X-WR-CALDESC:Events for ශ්‍රී රංකඩු පත්තිනි දේවාලය
REFRESH-INTERVAL;VALUE=DURATION:PT1H
X-Robots-Tag:noindex
X-PUBLISHED-TTL:PT1H
BEGIN:VTIMEZONE
TZID:UTC
BEGIN:STANDARD
TZOFFSETFROM:+0000
TZOFFSETTO:+0000
TZNAME:UTC
DTSTART:20220101T000000
END:STANDARD
END:VTIMEZONE
BEGIN:VEVENT
DTSTART;TZID=UTC:20230813T080000
DTEND;TZID=UTC:20230813T233000
DTSTAMP:20231002T060000Z
CREATED:20231002T060000Z
LAST-MODIFIED:20231002T060000Z
UID:25390-1691913600-1691969400@rankadupaththinidevalaya.lk
SUMMARY:දිය කැපීම
DESCRIPTION:කඩුදෙවොල සිද්ධ රංකඩු පත්තිනි දේවාලයේ 211 වන දිය කැපීමේ මහා මංගල්‍යය …. \nඓතිහාසික කඩුදෙවොල සිද්ධ රංකඩු පත්තිනි දේවාලයේ 211 වන ඇසළ මංගල්‍යයේ දිය කැපීමේ චාරිත්‍රය පසුගිය ඉරුදින(13) පෙරවරුවේ කැළණි නදියේ දි සිදු කෙරිණි. \nමෙසේ දිය කැපීමෙ චාරිත්‍රය උදෙසා පෙරහැර පිටත්ව යාමට පෙර විහාරයට ගොස් බුද්ධ පූජාව හා පත්තිනි \, විෂ්‍ණු හා රිට්ටා දේවාල වලට ගමන් තේවා සිදු කරයි. හේවිසි \nනාද මධ්‍යයේ දේවාභරණ සහිත පෙරහැර දිය කැපීමට දේවාලයෙන් පිට වේ. පසුව සුභ නැකතින් දේවාල භූමියෙ සිටුවන ලද කප සුදු පිරුවටයක ඔතා දේව ආභරණ සහිත පල්ලැක්කිය පිටුපසින් ගමන් කරවයි. \nදේවාලයට අයත් තොටුපළින් ඔරුවට ගොඩවන බස්නායක නිළමේතුමන් ඇතුළු පිරිසට අමතරව තවත් ඔරුවක හේවිසි කරුවන් ද ශබ්ද පූජා පවත්වමින් කැළණි නදියේ දිය කැපීමට ගමන් කරයි. \nකඩුදෙවොල සිද්ධ රංකඩු පත්තිනි දේවාලයේ දිය රණකෙළි මංගල්‍යයේ දිය කැපීමේ චාරිත්‍රය කැළණි නදියේ බුලත්ගම්පත සීමාවේ දී සිදු කෙරෙන අතර ඔරුව තුළ තිර රෙදි වලින් ආවරණය කෙරූ කොටසක් තුළ දී මෙම චාරිත්‍ර ඉටු වෙයි.රන් කඩුවක් ( මේ සඳහා පෙරහැරෙහි වඩම්මවන පත්තිනි දේවියගේ දේවාභරණය යොදා ගනියි) දියට බහා දිය කපා එතැනින් වෙන් වන දිය පහරින් නැවුම් වූ දිය රන් කලයට පුරවා ගනී. දිය කැපීමේ දී දිය බෙදී යන ස්ථානයේ ඒ කැපුම රන් කලයට දිය පුරවා ගන්නා තෙක්ම වෙන්ව පැවතීම දේව අනුහසයි. දිය කැපීමෙන් අනතුරුව බුලත් හුරුළු හා පඬුරු දියට දමමින් අදාළ පැරණි චාරිත්‍ර එලෙසටම සිදු කරනු ලබයි. හක් පිඹීමෙන් දිය කපා අවසන් බව දැන්වූ පසු තොටියන් ඔරුව නැවත ගොඩවන තොටුපළ වෙත ගමන් කරවීම සිදු වේ. චාරිත්‍රානුකූලව පුදසිරිත් කිරීමෙන් අනතුරුව තොටුපළින් ගොඩ වන බස්නායක නිළමේතුමන් පැමිණෙන්නේ හිසේ සිට පිරුවටයකින් වසාගෙන වීම විශේෂත්වයකි. පිරුවට වලින් ආවරණය වී පැමිණි පසු සෙත් ශාන්ති සිදු කරවා ගරායකුම නටා හිසේ සිට වසා ඇති පිරුවට ඉවත් කිරීම සිදු කරයි.දිය කපා ගොඩවන ස්ථානයේ දී ඇසළ මංගල්‍යය ආරම්භයේ දී සිට වූ කප පා කර හැරීම සිදු වේ. කප පා කර හරින පුද්ගලයා කප ඔරුව යටින් පිහිනා රැගෙන ගොස් පා කරයි.එසේ සිදු කරන්නේ සියල්ලන්ගේ වස්දොස් දුරු කර ශාන්තිය උදා කරලීමටයි. පසුව දේවාභරණ හා රන් පැන් කලය එම ස්ථානයේ තැනූ විශේෂ මණ්ඩපයක තැන්පත් කර ගරායක් ශාන්තිකර්මය සිදු කරයි. සියල්ලන්ට දේව දානය පිළිගැන්වීමෙන් අනතුරුව රන් පැන් කලය හා දේවාභරණ රැගත් දිය කපා ගෙවදීමේ පෙරහැර දේවාලස්ථානය වෙත ගමන් අරඹයි. මෙසේ ලබාගන්නා පැන් ඉදිරි වසරේ හිසතෙල් ගෑමේ චාරිත්‍රයේදි නානුමුර මංගල්‍යය සඳහා යොදා ගනියි. \nමෙම දිය කැපීමේ මහා මංගල්‍යයයෙන් කඩුදෙවොල සිද්ධ රංකඩු පත්තිනි දේවාලයේ 211 වන ඇසළ මංගල්‍යයේ පෙරහැර රාජකාරීන් නිමාවට පත් විය. මෙවර පෙරහැර මංගල්‍යය සාර්ථක කරගැනීමට සහය වූ සෑම සියලු දෙනාටම උතුම් සත්පත්තිනි මෑණියන්ගේ පිහිට ආරක්ෂාව නිබඳවම ලැබේවා!. \nතෙරුවන් සරණයි! \nසටහන – උමේෂ් මේනුක \nමාධ්‍ය අංශය\, \nකඩුදෙවොල සිද්ධ රංකඩු පත්තිනි දේවාලස්ථානය\, \nකඩුවෙල.
URL:https://rankadupaththinidevalaya.lk/event/%e0%b6%af%e0%b7%92%e0%b6%ba-%e0%b6%9a%e0%b7%90%e0%b6%b4%e0%b7%93%e0%b6%b8/
CATEGORIES:Esala Perahera
ATTACH;FMTTYPE=image/jpeg:https://rankadupaththinidevalaya.lk/wp-content/uploads/2023/10/Untitled-design-2023-10-02T165928.336.jpg
END:VEVENT
BEGIN:VEVENT
DTSTART;TZID=UTC:20230820T020000
DTEND;TZID=UTC:20230820T170000
DTSTAMP:20240116T151537Z
CREATED:20231002T061242Z
LAST-MODIFIED:20240116T151537Z
UID:25412-1692496800-1692550800@rankadupaththinidevalaya.lk
SUMMARY:පත්තිනි නැටීම
DESCRIPTION:ඓතිහාසික කඩුදෙවොල සිද්ධ රංකඩු පත්තිනි දේවාලස්ථානයේ 211 වන ඇසළ මංගල්‍යයේ ගම්මඩු දෙවොල්මඩු ශාන්තිකර්මයෙහි දේවාභරණ වඩමවා පත්තිනි නර්ථනයේ යෙදීම පසුගියදා (20) අළුයම් යාමයේදි සිදු කෙරිණි. \nප්‍රධාන දේව මාළිඟය තුළ තැන්පත් කර ඇති පත්තිනි සළඹ හා දේවාභරණ හේවිසි නාද මධ්‍යයේ තේවා කටයුතු සිදු කිරීමෙන් අනතුරුව දේවාභරණ නර්ථන මණ්ඩපය වෙත වඩම්මවාලීම සිදු කරයි. පත්තිනි දේව මෑණියන්ගේ ස්වරූපයෙන් සැරසී ප්‍රධාන බස්නායක නිළමේතුමන් දේවාභරණ සමඟින් බෙර නාදයේ තාලයට පාද තබමින් පත්තිනි නර්ථනයේ යෙදෙයි. දේවාභරණ නර්ථන මණ්ඩපයේ ඇති යහන මත තැන්පත් කරන අතර එම යහනේ සිට තොරණ දක්වා එලා ඇති පාවඩයෙන් අවසර ගනු පිණිස පාවඩ අවසර කවි ගායනා කරමින් සියලු දෙවියන්ගේ අවසරය ලබා ගැනීම සිදු කරයි. \nඋතුම් විෂ්ණු දෙවියන්ගේ \nතෙද අණසක මකියන්නේ \nආවඩා සෙත දෙන්නේ \nපාවඩේ අවසර දෙන්නේ \nඅනතුරුව අඟුරු දුම්මල පද \, කහදිය කොතල පද ඇතුළු නමස්කාර පූජාවන් පවත්වා පත්තිනි සළඹ දෑතින් ගෙන තේවා නර්තනයේ යෙදීම සිදු වෙයි. පත්තිනි මෑණියන් සිහි ගන්වමින් පත්තිනි සිරසාපද \, කරඬු පද ඉදිරිපත් කරමින් සියල්ලටම සෙත් පතා ආවඩමින් පත්තිනි නර්ථනයේ නිරත වීම සිදු වෙයි. \nමෙවන් තෙඳ පත්තිනි දෙවියන් සතොසේ \nඑරන් සළඹ ගෙන යහනට වැඩුව තැනේ \nදෙවන් පඬුරු පළමුව රජුගේ අතිනේ \nඅරන් පුද කළෝ තුන් දහසක් නෙතිනේ \nආභරණ තේවාව හා සළු සැලීම සමඟින් ආවැඩීම තෙවරක් සිදු කරන අතට පත්තිනි නර්තනයේ යෙදෙන්නා පත්තිනි හාමි ලෙසින් හදුන්වයි. පත්තිනි හාමි වෙනුවෙන් පරම්පරාවෙන් එන අයෙකු හැර වෙනත් කිසිම අයෙකුට පත්තිනි සළඹ වැඩමවීමේ චාරිත්‍රයට අවසර නැත. \nමෙසේ පුරාණ සිරිත් සම්ප්‍රදායානුකූලව සිදු කෙරෙන්නා වූ ගම්මඩු මංගල්‍යයේ එන පත්තිනි නර්තනය අප සිද්ධ රංකඩු පත්තිනි දේවාලස්ථානයේ ප්‍රධාන බස්නායක නිළමේ තැන්පත් කුලරත්ත විජේතුංග මහතා විසින් සිදු කරන අතර එතුමන් විසින් 40 වන වරටත් පත්තිනි නර්තනයේ ‍යෙදීම මෙවර චාරිත්‍රානුකූලව සිදු කෙරිණි. \nඋතුම් වූ සත්පත්තිනි මෑණියන්ගේ පිහිටාරක්ෂාවෙන් ඔබ සැමට යහපතක්ම වේවා! \nතෙරුවන් සරණයි! \nමෙත්සිත් පෙරදැරි මාධ්‍ය සද්ප්‍රයාමය\, \nකඩුදෙවොල සිද්ධ රංකඩු පත්තිනි දේවාලස්ථ මාධ්‍ය ඒකකය.
URL:https://rankadupaththinidevalaya.lk/event/%e0%b6%b4%e0%b6%ad%e0%b7%8a%e0%b6%ad%e0%b7%92%e0%b6%b1%e0%b7%92-%e0%b6%b1%e0%b7%90%e0%b6%a7%e0%b7%93%e0%b6%b8/
LOCATION:Rankadu paththini dewalaya Kaduwela\, 350 5th Ave\, kaduwela\, Western\, 10118\, Sri Lanka
CATEGORIES:Esala Perahera
ATTACH;FMTTYPE=image/jpeg:https://rankadupaththinidevalaya.lk/wp-content/uploads/2023/10/Untitled-design-2023-10-02T170608.906.jpg
ORGANIZER;CN="Welfare Society Of Rankadu Dewalaya":MAILTO:rankadupattinidevelaya@gmail.com
END:VEVENT
BEGIN:VEVENT
DTSTART;TZID=UTC:20230820T080000
DTEND;TZID=UTC:20230820T170000
DTSTAMP:20240116T151420Z
CREATED:20231002T062838Z
LAST-MODIFIED:20240116T151420Z
UID:25425-1692518400-1692550800@rankadupaththinidevalaya.lk
SUMMARY:ගිණි පෑගීම
DESCRIPTION:ඓතිහාසික කඩුදෙවොල සිද්ධ රංකඩු පත්තිනි දේවාලස්ථානයේ 211 වන ඇසළ මංගල්‍යයේ ගිණි පෑගීමේ මහෝත්සවය වෙනුවෙන් එක්සත් ජාතික පක්ෂ කඩුවෙල සංවිධායක 306/ සී/1 හිටපු සිංහාධිපති ගරු බිනර ජයවර්ධන මැතිතුමන් \, කොළඹ පළමු හරස් වීදිය මල්ටි ඕඩියෝ විශුවල් ව්‍යාපාරයේ අධිපති ගරු තිලක් අනුරසිරි මැතිතුමන් හා සීමාසහිත හේවාගම් කෝරළයේ බටහිර විවිධ සේවා සමූපකාර සමිතියේ සභාපතිතුමා ඇතුළු අධ්‍යක්ෂ මණ්ඩලය හා සාමාන්‍යාධිකාරීතුමා ඇතුළු කාර්‍යමණ්ඩලය එක්ව ප්‍රධාන දායකත්වය ගෙන කටයුතු කරනු ලැබීය. \nගිණි පෑගීමේ මහා මංගල්‍යය සර්වප්‍රකාරයෙන් සාර්ථක කර ගැනීම වෙනුවෙන් ඇපකැප වුණා වූ සෑම සියලු දෙනාටම උතුම් වූ කඳසුරිඳුන් වහන්සේගේත් සත්පත්තිනි මෑණියන්ගේත් පිහිටාරක්ෂාව ලැබේවායි පතමු. \nතෙරුවන් සරණයි.! \nමෙත්සිත් පෙරදැරි මාධ්‍ය සද්ප්‍රයාමය\, \nකඩුදෙවොල සිද්ධ රංකඩු පත්තිනි දේවාලස්ථ මාධ්‍ය ඒකකය.
URL:https://rankadupaththinidevalaya.lk/event/%e0%b6%9c%e0%b7%92%e0%b6%ab%e0%b7%92-%e0%b6%b4%e0%b7%91%e0%b6%9c%e0%b7%93%e0%b6%b8/
LOCATION:Rankadu paththini dewalaya Kaduwela\, 350 5th Ave\, kaduwela\, Western\, 10118\, Sri Lanka
CATEGORIES:Esala Perahera
ATTACH;FMTTYPE=image/jpeg:https://rankadupaththinidevalaya.lk/wp-content/uploads/2023/10/Untitled-design-2023-10-02T172039.191.jpg
ORGANIZER;CN="Welfare Society Of Rankadu Dewalaya":MAILTO:rankadupattinidevelaya@gmail.com
END:VEVENT
BEGIN:VEVENT
DTSTART;TZID=UTC:20230821T080000
DTEND;TZID=UTC:20230821T170000
DTSTAMP:20231002T064412Z
CREATED:20231002T064412Z
LAST-MODIFIED:20231002T064412Z
UID:25430-1692604800-1692637200@rankadupaththinidevalaya.lk
SUMMARY:ගරායක් ශාන්තිකර්මය
DESCRIPTION:211 වන වරටත් පැවැත්වුණු ඓතිහාසික කඩුදෙවොල සිද්ධ රංකඩු පත්තිනි දේවාලස්ථානයේ ඇසළ මහා මංගල්‍යයේ නිමාව සනිටුහන් කරමින් දේවාලස්ථ ප්‍රධාන බස්නායක නිළමේතුමන් වන කුලරත්ත විජේතුංග මැතිතුමන් \, කෘත්‍යාධිකාරි ශමාල් විජේතුංග මැතිතුමන් ඇතුළු දේවාලස්ථ පූජෝපහාර සමිතියේ නිළධාරි මඩුල්ලටත් ගම්වාසි සැමටත් මෙවර ඇසළ මංගල්‍යයේ සාර්ථකත්වය උදෙසා නන් අයුරින් උදවු උපකාර කලා වූ සියලු පිංවතුන් වෙත සෙත් ශාන්ති කරනු වස් පැවැත්වූ ගරායක් ශාන්තිකර්මය උදෙසා ප්‍රධාන දායකත්වය පහළ බෝමිරිය ඕෂධි ගාර්ඩ්න් සර්විස් ආයතනයේ අධිපති එම්.ජී.පුෂ්පකුමාර මැතිතුමන් විසින් දරනු ලැබීය. \nසිද්ධ කීල ගරායක් දේවතාවන් වහන්සේගේ ආනුභාවයෙන් ඔබ සැමට බලපවත්වන්නා වූ අට අනූවක් රෝග නව අනූවක් ව්‍යාධි දෙසිය තුනක් ආන්තරා ඇතුළු සියලු රෝදුක් බිය දුරෙන්ම දුරු වේවා! \nසත්පත්තිනි මෑණියන්ගේ පිහිටයි! \nතෙරුවන් සරණයි! \nමෙත්සිත් පෙරදැරි මාධ්‍ය සද්ප්‍රයාමය\, \nකඩුදෙවොල සිද්ධ රංකඩු පත්තිනි දේවාලස්ථ මාධ්‍ය ඒකකය. \n 
URL:https://rankadupaththinidevalaya.lk/event/%e0%b6%9c%e0%b6%bb%e0%b7%8f%e0%b6%ba%e0%b6%9a%e0%b7%8a-%e0%b7%81%e0%b7%8f%e0%b6%b1%e0%b7%8a%e0%b6%ad%e0%b7%92%e0%b6%9a%e0%b6%bb%e0%b7%8a%e0%b6%b8%e0%b6%ba/
CATEGORIES:Esala Perahera
ATTACH;FMTTYPE=image/jpeg:https://rankadupaththinidevalaya.lk/wp-content/uploads/2023/10/Untitled-design-2023-10-02T174036.064.jpg
END:VEVENT
END:VCALENDAR