වර්ෂයක් පාසාම නුවර සම්ප්‍රදායානුකූලව මඟුල් කප් සිටුවීමෙන් වාර්ෂික ඇසළ මහා මංගල්‍යය ආරම්භ වේ.

අනතුරුව මල් පෙරහැරවල් , කුඹල් පෙරහැරවල් , පාවඩ පිට පෙරහැර ආදි වශයෙන් පෙරහැර පවත්වා දින තුනක් ගොන්පිට පෙරහැරත් එක්වේලේ , දෙවේලේ , තුන්වේලේ ආදි වශයෙන් අලි ඇතුන් සහිත වීථි මහා පෙරහැරත් පවත්වා කැළණි නදියේ බුලත්ගම්පත සීමාවේදි සිදු කරන්නා වූ චාරිත්‍රානුකූල දියකැපීමේ මහා මංගල්‍යය සිදු කෙරේ.

වාර්ෂික ගම්මඩු දෙවොල්මඩු මංගල්‍යය , ගිනි පෑගීමේ මහා මංගල්‍යය හා ගරායක් ශාන්තිකර්මය පැවැත්වීමෙන් කඩුදෙවොල ඇසළ මහා මංගල්‍යය නිමාවට පත් වේ.